Олунньу 29 күнүгэр «Восточнай» космодромтан «Союз-2.16» аракыата көппүтэ. Аракыата тобохторо Алдан уонна Бүлүү оройуоннарыгар ойуурга түспүттэрэ биллэр.
«Роскосмос» көрдүүр бөлөҕүн кытта Бүлүү улууһун Үгүлээт нэһилиэгин баһылыга Октябрь Лукин сырытта диэн «Олох суола» хаһыат суруйар.
Үгүлээт баһылыга иһитиннэрэринэн, аракыата тобоҕун нэһилиэктэн 80 км тэйиччи сиртэн булбуттар:
— Аракыата тобоҕун көрдүү диэн Роскосмос үлэһиттэрин кытта бөртөлүөтүнэн көппүппүт. Нэһилиэктэн 80 км тэйиччи сытар сиргэ хаарга фрагмент сытарын булбуппут. Соччо улаханнык үнтүрүйбэтэх этэ, — диэн баһылык кэпсиир, суруйда Саха сирэ саайт.
This post was published on 04.03.2024 09:33 09:33