Бүлүү куоратын килбэйэр киинигэр II гильдиялаах Расторгуев атыыһыт аатынан бааһынай хаһаайыстыба ырыынага тутуллан үлэҕэ киирдэ, бу туһунан ОЛОХ СУОЛА суруйар.
Үөрүүлээхтик арыйыы тэрээһинигэр куорат олохтоохторун КПРФ Саха сиринээҕи рескомун бастакы сэкэритээрэ, СӨ Государственнай Мунньаҕын (Ил Түмэн) бэрэссэдээтэлин солбуйааччы Виктор Губарев, Бүлүү к. баһылыга Нюргустан Афанасьев уо.д.а эҕэрдэлээтилэр, Свято-Никольскай храм настоятелэ иерей Корнилий ырыынак эргинэр миэстэлэрин сибэтиэй уунан ыһан ыраастаата. Хаһаактар түмсүүлэрэ саҥа ырыынак арыллыытыгар көхтөөхтүк кытыннылар. Бастакы атыылааччылар миэстэлэрин булунан, атыылаһааччылары үөрэ-көтө көрүстүлэр.
This post was published on 28.07.2022 13:01 13:01