16 От ыйа 16.07
  • 22°
  • $ 87,81
  • 95,78

Бүлүү бибилэтиэкэтигэр норуодунай бэйиэт Иван Гоголев аатын иҥэрэр туһунан этии киирдэ

16:05, 09 апреля 2021
Текст:
Читайте нас на
Яндекс Новости
ЯДВ

Бүлүүтээҕи оҕо бибилэтиэкэтэ П.А. Ойуунускай аатынан литературнай музей үлэһитэ, Саха сирин норуодунай бэйиэтин, суруйааччы, драматург И.М. Гоголев кыыһа Анна Гоголеваны кытта «Дар отца  — яркие произведения его творческого наследия» диэн тэрээһин ыыттылар, тэрилтэ пресс-сулууспата суруйар.


2023 сылга Иван Гоголев 125 сыла бэлиэтэнэр. Онно анаан Бүлүүтээҕи бибилэтиэкэ уопсастыбаннаһы түмэн, кини аатын бибилэтиэкэҕэ иҥэрэр туһунан кэпсэтии ыытта.

Көрсүһүүгэ Анна Ивановна Гоголева бэйиэт сөбүлээн аахпыт оҕо кэпсээннэрин, дойдулар уонна норуоттар остуоруйаларын тустарынан кэпсээтэ.

Суруйааччы, бэйиэт, драматург кылгас олоҕор литература араас жанрыгар үлэлээбитэ, ол иһигэр оҕолорго анаан суруйара. Остуоруйалара «Харчаана», «Шалун-шалунишка», «Волшебный хомус», «Долина белых журавлей» уонна да атыттар, маны сэргэ балет либреттота «Северное сияние», «Три цветка».

Оҕолорго анаабыт кинигэлэрэ сэдэх библиографическай айымньылар буолбуттара, суруйааччы архыыбыгар үһүйээннэр, остуоруйалар, өссө да атын тахсыытын кэтэһэ сыталлар.

Бүлүүтээҕи киин библиотекаҕа 1995 сылтан Гоголевтыы ааҕыылары ыытар.

Следите за самым важным и интересным в Telegram-канале и WhatsApp-группе ЯСИА