Бүгүн, муус устар 12 күнүттэн Арассыыйа Турцияҕа быһа көтүүлэри биир ыйга болдьохтоон тохтотуон сөп. Бу туһунан ТАСС суруйар. Маннык быһаарыы Турция эпидемиологическай туругуттан ылыныллар чинчилээх.
Сөмөлүөт сырыыта бүтүннүү тохтуо суоҕа диэн, ТАСС суруйар. Быһа (чартернай) көтүүлэр тохтуохтара итиэннэ Турцияттан кэлээччилэргэ икки нэдиэлэлээх харантыын олохтонуо.
Турция доруобуйаҕа харыстабылын министиэристибэтэ муус устар 8 күнүгэр суукка иһигэр 55 тыһ тахса киһи коронавируһунан сутуллубутун бэлиэтээбит. Бу дойдуга пандемия устатыгар саамай улахан көрдөрүү.
