Өрөспүүбүлүкэ араас муннугуттан 800-тэн тахса киһи кыттыа, ону тэҥэ, педагогтарга миэстэтигэр онлайн-көрдөрүү тэриллиэҕэ диэн этэллэр.
Пуорумҥа педагогтар, үөрэх тэрилтэлэрин салайааччылара, төрөппүттэр уонна уопсастыбаннай тэрилтэлэр бэрэстэбиитэллэрэ санаа атастаһыахтара. Федеральнай ыалдьыттар, эспиэртэр кэлэллэрэ күүтүллэр.
Атырдьах ыйынааҕы мунньах сүрүн тэрээһинэ — «Воспитание личности в едином образовательном пространстве» улахан мунньах бүгүн, атырдьах ыйын 21 күнүгэр Д.К.Сивцев – Суорун Омоллоон аатынан опера уонна балет тыйаатырыгар буолар.
Куорат олохтоохторун уонна ыалдьыттарын үөрэх үлэһиттэрин мунньаҕын сэргэх тэрээһиннэригэр кыттаргытыгар ыҥыраллар:
Атырдьах ыйын 21 күнүгэр
10:00-18:00 ч. Доҕордоһуу болуоссатыгар кэнсиэртээх, маастар-кылаастаах, күрэстэрдээх, оонньуулардаах “Мое лето” өрөспүүбүлүкэтээҕи бэстибээл,
16.00 – 18.00 ч. СӨ педагогическай династияларын бэрэстэбиитэллэрин кэнсиэрэ,
18.00 – 21.00 ч. үөрэх тэрилтэлэрин салайааччыларын волейболга табаарыстыы көрсүһүүлэрэ.
Атырдьах ыйын 22 күнэ
12.00 – 17.00 ч. Доҕордоһуу болуоссатыгар “Урожай-2024” тыа хаһаайыстыбатын кырачаан саҕалааччыларын өрөспүүбүлүкэтээҕи быыстапка-куонкуруһа. Манна көрдөрүү, атыы-тутуу күүтэр, номинацияларынан куонкурустар ыытыллыахтара.
10.00 – 16.00 ч. педагогическай вакансиялар өрөспүүбүлүкэтээҕи дьаарбаҥката. Аадырыһа: С.Ф.Гоголев аатынан Дьокуускайдааҕы педагогическай кэллиэс. Ленин проспегын 5-с нүөмэрдээх дьиэтэ. Бу туһунан үөрэх уонна билим министиэристибэтэ иһитиннэрэр. Бырагырааманы сиһилии манна көрүҥ.
This post was published on 21.08.2024 10:16 10:16