Ыам ыйын 24 күнүгэр Дьокуускайтан Өрүс пуордуттан Аллараа Бэстээх причалыгар диэри түргэн катердар сырыылара саҕаланна.
Бүгүн 16 биригээдэ үлэҕэ тахсар, ол туһунан ЯСИА-ҕа «ЛенаВодСервис» хампаанньа салайааччыта Борис Строев эттэ.
«Катердар сүүрүөхтэрэ. Айан иһин төлөбүр билигин 1000 солк, онтон 700 солк буолуоҕа. Катердар сапчаастарын сыаната ыараата, онон билиэт сыаната эбилиннэ. Ити эрээри дьоҥҥо сөп буоларын курдук таһымҥа тута сатыыбыт», — диэтэ Борис Строев.
Суудуналар күн аайы 7:00 — 20:00 чааска диэри сүүрүөхтэрэ, Дьокуускайтан Өрүс пуордун 4 причалыттан. Аллараа Бэстээх өттүттэн бастакы причалтан.
