Бүгүҥҥүттэн, сэтинньи 9 күнүттэн, «Полярные авиалинии» авиахампаанньа бөртөлүөтэ Маҕан – Аллараа Бэстээх – Маҕан хайысханан дьону таһыаҕа, диэн Саха сирэ суруйар.
Бастакы рейс бүгүн 10 чаастан, оттон иккис 11:30 чааска былааннаммыт. Рейстэр Маҕан авиапордуттан Аллараа Бэстээххэ «Манньыаттаах» былаһааккаҕа диэри оҥоһуллуохтара. Билиэти Маҕан авиапордун каассатыгар (төлөпүөн: 40-60-36) уонна “Манньыаттаах” былаһааккатыгар атыылыахтара. Биир хайысхаҕа көтүү тарыыба 4000 солк. Санатар буоллахха, 2-тэн 12-гэр диэри саастаах оҕолорго 50 %-наах чэпчэтии оҥоһуллар. Таһаҕас нуормата 20 киилэҕэ диэри. Итини куоһардаҕына, киилэтин аайы 50-нуу солк. төлөнүллэр.
