Саха боксёра Василий Егоров бүгүн Узбекистаҥҥа аан дойду чемпионатыгар бэйэтин күрэхтэһиитин саҕалыаҕа. Кини утарсааччытынан турок спортсмена буолуоҕа, диэн СИА иһитиннэрэр.
Саха боксёрун кытары турок спортсмена, Европа күрэхтэһиитин кыайыылааҕа Гюмюш Самет киирсиэҕэ. Быһа биэриини «Матч-Боец» ханаалга ыам ыйын 4 күнүгэр олохтоох бириэмэнэн киэһэ 17-00 чаастан көрүөххэ сөп.
Василий Егоров Арассыыйа сүүмэрдэммит хамаандатын састаабыгар дойду чемпиона быһыытынан киирбитэ. Аан дойду чемпионатын рингэтигэр 13 комплект мэтээл оонньонуоҕа. Күрэхтэһии бириистээх пуондата — 5,2 мөл. доллар. Кыайыылаахтар 200 тыһыынча долларга, үрүҥ көмүс призердар — 100 тыһыынча долларга, боруонса мэтээллээхтэр 50 тыһыынчаҕа тиксэллэр.
This post was published on 04.05.2023 15:02 15:02