Бүгүн, кулун тутар 31 күнүгэр, Саха сирин илин оройуоннарынан сөҥүүтэ суох. Атын хайысха улуустарынан кыраалаан хаардыыр, инчэҕэй хаар түһэр. Күнүс соҕуруулуу-арҕаа инчэҕэй хаардаах ардахтыыр, диэн Саха сиринээҕи УГМС саайта иһитиннэрэр.
Кэбээйи улууһугар буурҕа, күүһүрэр кэмигэр сөкүүндэҕэ 15-20 м. түргэннээх күүстээх тыаллаах.
Салгын температурата түүн -19-24, хотугулуу-илин -24-29 кыраадыс тымныы. Хоту улуустарынан -30-35, Өлүөнэ алын тардыытынан -13-18 кыраадыс, соҕуруулуу-арҕаа -5-10, сорох сиринэн 0-5 кыраадыс.
Күнүс салгын температурата -1-6 кыраадыс буолуоҕа. Хотугулуу-илин -10-15, соҕуруулуу-арҕаа +1+6 кыраадыс.
Дьокуускайга сөҥүүтэ суох. Соҕуруулуу-илинтэн түүн сөкүүндэҕэ 1-5, күнүс 3-8 м. түргэннээх тыаллаах. Салгын температурата түүн -19-21, күнүс -3-5 кыраадыс буолуоҕа, суруйда Саха сирэ саайт.
