29 Кулун тутар 29.03
  • -14°
  • $ 92,26
  • 99,71

Бүгүн Саха сиригэр Сайылык күнүн бэлиэтииллэр

Фото: СИА
Читайте нас на
Яндекс Новости
ЯДВ

2018 сылга Саха Өрөспүүбүлүкэтин баһылыга Айсен Николаев национальнай үгэстэри харыстыыр, тыа хаһаайыстыбатын эйгэтигэр үлэлиир дьон престиһин үрдэтэр сыалтан Сайылык күнүн олохтообута.

Тыа хаһаайыстыбатын министэристибэтэ,  сүөһүнү сайылыкка үүрээһин – бу биһиги норуоппут харыстаан кэлбит, көлүөнэттэн көлүөнэҕэ бэриллэн иһэр култуурата уонна үгэһэ буолар диэн бэлиэтиир. Саха сирин пиэрмэрдэрэ өбүгэлэрин үгэстэрин салҕаан, билигин даҕаны сүөһүлэри сайылыкка көһөрөллөр. Быйылгы сылга 41 428 ынах сүөһү, ол иһигэр 18 936 ыанар ынах (бүтүн өрөспүүбүлүкэ ынаҕыттан 26,5%), ону таһынан, 1819 үлэһит, ол иһигэр 787 ыанньыксыт, 154 үүтү ааҕааччы, 202 осеменатор-тиэхиникэтэ, 268 ньирэй уонна 408 бостуук сайылыы тахсаллара былааннанар.

Билигин өрөспүүбүлүкэҕэ 348 сайылык баар, онтон 332 сайылык үүт биэрэр сүөһүгэ аналлаах, 16 сүөһүнү аһатар сайылык. Баар сайылыктартан 255 пиэрмэҕэ ынах ыыр аппарааттаахтар, 273 сайылык уот ситимигэр холбонуулаах, 45 сайылык дизелинэн туһанар, күн батареятынан — 6, моно-генераторынан – 6, уота суох 5 сайылык баар. Ол эрээри, төһө да кыһалҕалар баалларын үрдүнэн, сайылык хаһаайыстыбатын сайыннарыыга өрөспүүбүлүкэҕэ ураты болҕомто ууруллар.

  • 2018 сылга сайылык пиэрмэтин тутууга 5 хаһаайыстыбаҕа 17,5 мөл. солк. көрүллүбүтэ
  • 2019 сылга 17 хаһаайыстыбаҕа 52,7 мөл. солк. көрүллүбүтэ
  • 2020-2021 сс.  бүддьүөт кыра буолан, бу хайысхаларга үп көрүллүбэтэҕэ
  • 2022 сылга Нам уонна Дьааҥы улууһугар 3 сайылык үлэҕэ киирбитэ.

Ытыктабыллаах саха дьоно, тыа сирин үлэһиттэрэ! Өссө төгүл барыгытын Сайылык күнүнэн, өбүгэлэрбит үгэһин үйэтитэр уонна духуобунай сыаннаһын бөҕөргөтөр бырааһынньыгынан эҕэрдэлиибин. Тыа сирин үлэһит дьонугар, өбүгэлэрбит үгэстэрин харыстаан илдьэ сылдьалларын иһин барҕа махталбын тиэрдэбин. Үлэҕит-хамнаскыт ситиһиилээх буоллун, кытаанах доруобуйаны, бэйэҕитигэр уонна дьиэ кэргэҥҥитигэр дьолу-соргуну!” – диэтэ Тыа хаһаайыстыбатын миниистирэ Александр Атласов.

Сайылык күнүнэн бэйэтин эҕэрдэтин Саха сирин аҕа баһылыга Айсен Николаев телеграм ханаалыгар суруйда.

Бу бырааһынньык күн тыа сирин туруу үлэһит дьонугар сыралаах үлэҕит иһин махталбын тиэрдэбин уонна таһаарыылаах үлэни баҕарабын! Саха Өрөспүүбүлүкэтигэр биллэриллибит Үлэ сыла — эһиги сылгыт. Бу дьыл эhиэхэ үгүс кыайыыны-хотууну, ситиhиилэри аҕаллын!

Күндү биир дойдулаахтарым! Эһиэхэ кытаанах доруобуйаны, эбиллэ турар эрчими баҕарабын! Саҕалаабыккыт табылыннын! Күүтүүлээх самаан сайыммыт өлгөм үүнүүлээх, үүт-сүөгэй быйаҥнаах буоллун!

 

Следите за самым важным и интересным в Telegram-канале и WhatsApp-группе ЯСИА