Арктика диэкиттэн Саха сиригэр тымныылар кэллилэр. Бүгүн кулун тутар 6 күнүгэр сарсыарда өрөспүүбүлүкэ икки нэһилиэгэр — 45 °С тымныы бэлиэтэннэ.
Тымныы сарсыарда Томпо улууһу Сылаас Күлүүс нэһилиэгэр буолла, манна кыраадыс -45 көрдөрдө. Онтон Өймөкөөҥҥө -46 °С. диэри тымныйда.
Бүгүн Нерюнгри оройуонугар уонна Аллараа Өлүөнэ тардыытыгар сөкүүндэҕэ 15-20 миэтэрэҕэ диэри тыалырыаҕа, Анаабыр, Булуҥ оройуоннарыгар тыал сөкүүндэҕэ 18-23 миэтэрэҕэ диэри күүһүрүөҕэ.
Сарсыарда 6 чааска Дьокуускайга салгын температурата Гимеин оройуонугар -33 °C, аэропорт оройуонугар -34 °C буолла. Күн устата кыралаан хаардыаҕа. Күнүһүн -11 -13 °С тымныы буолара күүтүллэр, соҕурууттан сөкүүндэҕэ 5-10 миэтэрэ түргэннээх тыалырыаҕа.
Саха сиринээҕи УГМС начальнига Татьяна Маршалик, эрдэ СИА-ҕа иһитиннэрбитин курдук, кулун тутар 23 күнүттэн саҕалаан сылыайыаҕа. Ол эрээри, уларыйа сылдьар күн-дьыл туруга кулун тутар ый бүтүөр диэри туруоҕа.
