Олунньу 3 күнүгэр Саха сирин улахан аҥаарыгар кыра, соҕурууҥҥу өттүгэр — орто хаар күүтүллэр. Тыал орто, Анаабыр уонна Булуҥ оройуоннарын кытылыгар түүн — сорох сирдэринэн 15-17 м/с тыал, буурҕа. Ол туһунан УГМС иһитиннэрэр.
Салгын температурата түүн -40…-45°, арҕаа, хотугулуу-арҕаа, хотугулуу-илин намыһах сирдэргэ — -45…-50°, Халымаҕа — -30…-35°, соҕуруу хаар түһэр кэмигэр уонна Арктика кытылыгар — -23…-28°.
Күнүс -35…-40°, хотугулуу-арҕаа, хотугулуу-илин намыһах сирдэргэ -40…-45°, Халымаҕа -25…-30°, соҕуруу уонна Арктика кытылыгар -18…-23°.
Дьокуускайга кыракый хаар, түүн уонна сарсыарда туманнаах, хотугулуу-арҕаа тыал — 2-5 м/с.Түүн — -37…-39°, күнүс — -31…-33°.
