Режиссерынан VIII норуоттар ардыларынааҕы киинэ бэстибээлин кыайыылааҕа — Василий Слепцов («Сибэкки биэрээри») үлэлээтэ. Икки иннинээҕи серияны Александр Лукин устубута.
«Бүгүн — былыр 3» премьерата 2026 сылга былааннанар. Дьиэ кэргэнинэн кэмиэдьийэ көрүүгэ ыҥырар. Сюжет ымпыгын-чымпыгын киинэ устааччылар кистэлэҥҥэ туталлар.
«Сахафильм» устар былаһааккаҕа хаартыскалары түһэрдэ.
Санаттахха, «Бүгүн — былыр» бастакы чааһа улахан экрааҥҥа 2022 сыллаахха, иккиһэ — 2023 сылга тахсыбыттара. Вася диэн охранник мүччүргэннээх сырыыларын туһунан кэпсэнэр. Ааспыт кэмҥэ түбэһэр, салгыы былыргы сахалартан Күндэлэй доҕордонор.
2024 сыл ахсынньытыгар «Бүгүн — былыр 3» судаарыстыбаннай бюджеттан субсидия ылбыта, «Оҕо киинэтэ хайысханан».
