Саха судаарыстыбаннаһын төрүттэспит биллиилээх судаарыстыбанай диэйэтэл, саха суругунан уус-уран литэрэтиирэтин төрүттээччи, учуонай Платон Алексеевич Ойуунускай бүгүн 132 сылын туолла, суруйда Саха парламент саайт.
Бүгүн П.А. Ойуунускай аатынан Литэрэтиирэ түмэлин, Дьокуускай куорат дьаһалтатын култуураҕа управлениетын, П.А. Ойуунускай аатынан Саха академическай тыйаатырын уонна «Таатта» түмсүү тэрийиилэринэн, киин куоракка Былатыан Ойуунускай күнүнэн маннык тэрээһиннэр ыытыллаллар:
Сарсыарда 11:00 чаастан Былатыан Ойуунускай пааматынньыгар сүгүрүйүү сиэрэ-туома.
Күнүс 13:00 чаастан Былатыан Ойуунускай аатынан Литэрэтиирэ түмэлигэр «Ааспыт күннэр-дьыллар» видеоимпровизация итиэннэ «Оҕо куйуурдуу турара» пуонда истипиэндийэтэ туттарыллыахтара.
Күнүс 15:00 чаастан Былатыан Ойуунускай хоһоонноругар айыллыбыт ырыаларынан Саха Өрөспүүбүлүкэтин үтүөлээх үлэһитэ Дмитрий Тихонов кэнсиэрдэ буолуоҕа.
This post was published on 11.11.2025 10:45 10:45