Бүгүн Айсен Николаев быһа биэриигэ тахсыаҕа

Бүгүн, балаҕан ыйын 26 күнүгэр, 19:00 «Айсен Николаевы кытары быһа биэрии» буолуоҕа.

Саха сирин баһылыга олохтоохтор ыйытыыларыгар, ону тэҥэ өрөспүүбүлүкэ тыын темаларын ыытааччылары кытары ырытыһыаҕа.

Биэриини НВК «Саха», «Якутия 24», «Россия 24», «Тэтим» радио, «Виктория Саха», «СТВ-радио» уонна социальнай ситимнэргэ көрдөрүөхтэрэ.

Ыйытыылары 100yakutia.ru диэн, өрөспүүбүлүкэ 100 сылыгар анаммыт сайтыгар ыытыахх сөп, ону тэҥэ @voprosGlaveYakutii_bot чат-ботка,  «ВКонтакте» эбэтэр «Одноклассники» ситимнэргэ тус суругунан:

— «ВКонтакте»: https://vk.com/aisennikolaev14;

— «Одноклассники»: https://ok.ru/profile/576618790554.

Ону таһынан, Айсен Николаевка ыйытыыны быһа биэрии кэмигэр, 8 (4112) 32-01-11 нүөмэринэн студияҕа эрийэн биэриэххэ сөп.