Бүгүн Россияҕа 655 тыһыынча выпускник түмүктүүр айар суруйууларын туттараллар, бу Судаарыстыбаннай түмүктүүр аттестацияҕа киирэр усулуобуйалартан биирдэрэ буолар. Ол туһунан Интерфакс «Рособрнадзор»-га сигэнэн суруйда.
Доруобуйаларыгар хааччахтаах оҕолор сочинение оннугар изложение суруйуохтарын сөп. Быйыл изложениены 8 тыһыынчаттан тахса оҕо суруйар былааннаах.
Сочинение эбэтэр изложение суруйуута 10:00 саҕаланна. Уһуна — 3 чаас 55 мүнүүтэ (235 мүнүүтэ). Доруобуйаларыгар хааччахтаахтарга 1,5 чаас уһуур.
Сочинение иэнэ — 350 тылтан кыччыа суохтаах, изложение — 200 тылтан.
Оҕолор орфографическай тылдьыт туттуохтарын сөп, оттон изложение суруйааччылар эбии — быһаарыылаах тылдьыты.
Сочинение «зачет» эбэтэр «незачет» диэн сыаналанар. Эбии болдьох — 2025 сыл олунньу 5 уонна муус устар 9 күннэрэ.
This post was published on 04.12.2024 11:07 11:07