Горнай улууһугар судаарыстыба бүддьүөтүттэн үбүлэнэр тэрилтэ начаалынньыга бэйэтин уолун суоппарынан ылан, быыгабар ылла, диэн борокуратуура пресс-сулууспата иһитиннэрэр.
“Тэрилтэ салайааччыта төрөппүт уолун суоппарынан үлэҕэ ылбыта билиннэ. Сокуон быһыытынан хоруупсуйаны утары үлэнэн сибээстээн, дуоһунастаах киһи олохтоммут бэрээдэгинэн төрөппүт уолун үлэҕэ ыларын туһунан үрдүкү салалтатыгар биллэрбэтэх. Бу боппуруос сулууспалаахха сыһыаннаах ирдэбиллэри тутуһуу туһунан хамыыһыйаҕа көрүллүбэтэх», — диэн борокуратуура иһитиннэрэр.
Бу тэрилтэ салайааччыта быстах кэмҥэ дуоһунаһыттан тохтотулунна уонна быыгабар ылла.
