13 Бэс ыйа 13.06
  • 11°
  • $ 89,02
  • 95,74

«Азия оҕолоругар» Уһук Илин уокурук хамаандатын састаабыгар 10 регион бастыҥ спортсменнара киирдилэр

10:33, 23 мая
Текст:
Хаартыска: ЯСИА саайта
Читайте нас на
Яндекс Новости
ЯДВ

«Азия оҕолоро» VIII норуоттар ардыларынааҕы спортивнай оонньууларга Уһук Илиннээҕи федеральнай уокурук хамаандатын састаабыгар 10 регион бастыҥ спортсменнара киирдилэр — Амурскай, Магаданскай, Сахалинскай уобаластар, Камчатскай, Забайкальскай, Хабаровскай, Приморскай кыраайдар, Бурятия, Чукотка уонна Еврейскай автономнай уокуруктар. Ол туһунан регион салалтатын пресс-сулууспата иһитиннэрдэ.

Уһук Илин уокурук регионнарын холбоһуктаах хамаандалара 2012 сыллаахтан оонньууларга кытталлар. Билигин Дьокуускайга буоларга бэлэмнэнэ сылдьаллар. Холобур, сахалиннар кыайыыга эрэ дьулуурдаахтар. «Уобалас аан бастакытын классическай волейболга кыттыаҕа. Оҕолор өссө сылдьа, көрө илик Саха сирдэрин билсэллэрин олус үөрэллэр. Оонньуулар тустарынан элбэх үтүө, үчүгэй сонуну истэн сылдьаллар. Шанспыт наһаа улахан буолбатах эрээри, бастыҥ оонньооччулары тала сатаатыбыт, кинилэр кыайыыга эрэ дьулуһаллар», — диэтэ Сахалин уобалаһын волейболга спортоскуолатын старшай тренер-преподавателэ Марина Захарова.

Хабаровскай атлеттара баскетболга, волейболга уонна харбааһыҥҥа кытталлар. Саамай элбэх киһилээх бу көрүҥнэргэ. Быйыл бастакытын скалолазаниеҕа, үҥкүү спордугар уонна Го кыттыахтара. Спортсменнар ортолоругар — Го оонньууга Хабаровскай кыраай уонна Уһук Илин уокурук чемпионаттарын кыайыылааҕа Камилла Паращина баар. Спортсменка Саха сиригэр ыытыллар оонньууларга үчүгэй көрдөрүүнү бэйэтигэр сурунуон баҕарарын эттэ.

Камчатка спортсменнара үс көрүҥҥэ кытталлар: футбол — 10 киһи, харбааһын — биир киһи, бокс — икки киһи.

Следите за самым важным и интересным в Telegram-канале и WhatsApp-группе ЯСИА