«Азия оҕолоро» VIII норуоттар ардыларынааҕы спортивнай оонньууларга мэтээллэри туттарыы сиэрэ-туома Хомсомуол болуоссатыгар Оонньуулар культурнай пааркаларыгар буолуоҕа. Барыта 239 комплект наҕараада оонньонуоҕа. Ол туһунан хамыыһыйа мунньаҕар этилиннэ.
Мунньаҕы бырабыыталыстыба бэрэссэдээтэлин солбуйааччыта Сергей Местников ыытта.
Наҕараадалааһын сиэрэ-туома икки түһүмэххэ араарылынна. Бастакыта — сибэккилээх наҕараадалааһын, эбийиэктэргэ ыытыллыбыт күрэхтэһиилэр кэннилэриттэн тута ыытыллар. Иккискэ — мэтээллээх наҕараадалааһын, хас күн аайы Хомсомуол болуоссатыгар 19:00 чаастан.
«Лица Игр» волонтердар бөлөхтөрө баар буолла, кинилэр кыайыылаахтары уонна призердары наҕараадалааһыҥҥа кыттыахтара.
Барыта 15 кубок спорт көрүҥнэринэн уонна 1498 мэтээл, саппааһы учуоттаан туран, бэлэмнэннэ. Хас эбийиэк аайы сибэкки наҕараадалааһыныгар миэстэ көрүлүннэ.
This post was published on 05.06.2024 10:01 10:01