«Азия оҕолоро» оонньуулар норуоттар ыккардыларынааҕы кэмитиэт президиэнэ Владимир Максимов уонна РФ спордун миниистирэ Олег Матыцин оҕо спордун бастыҥ тэрээһинин тула кэпсэттилэр. Москваҕа буолбут көрсүһүүгэ оонньуулар ыытыллар миэстэлэрин дьүүллэстилэр.
Владимир Максимов «Азия оҕолоро» кэмитиэт үлэтин кэпсээтэ, былааннаах бырайыактар тустарынан иһитиннэрдэ. РФ спордун миниистирэ Олег Матыцин бэлиэтээбитинэн, Оонньуулар азиатскай континент эдэр спортсменнарыгар сүрүн старды биэрэр.
2022 сылга ыытыллыахтаах VII «Азия оҕолоро» оонньуулар ыытыллыахтаах сирдэрин дьүүлэстилэр, ол иһигэр Россия биир регионугар буолара бэлиэтэннэ.
Көрсүһүүгэ спорт эйгэтигэр эдэр профессионаллар III норуоттар ыккардыларынааҕы саммиты ыытыыга тэрээһиҥҥэ бииргэ үлэлииргэ дуогабардастылар. Манна этиллибитинэн, икки иннинээҕи саммиттар 20-тэн тахса дойдуну түмпүттэрэ.
Санаттахха, Олег Матыцин устудьуоннар спортарын норуоттар ыккардыларынааҕы федерациятын прензидиэнинэн үлэлиир кэмигэр I кыһыҥҥы «Азия оҕолоро» оонньууларга кыттыбыта. Южно-Сахалинскайга 2019 сыллаахха буолбута.
Источник: Sportyakutia.ru
