18 От ыйа 18.07
  • 18°
  • $ 88,09
  • 96,3

«Азия оҕолоро» VI спортивнай оонньуулар уоттара Тааттанан айанныыр

10:32, 28 апреля 2016
Читайте нас на
Яндекс Новости
ЯДВ

Спортивнай оонньуулар уоттарын Таатта улууһун Дьохсоҕон нэһилиэгин дьоно-сэргэтэ сынньалаҥ пааркатыгар үөрүүлээх быһыыга-майгыга көрүстэ. Ньиргиэрдээх муусуканан, уруйунан-айхалынан уонна дохсун ытыс тыаһынан доҕуһуоллатан күүтүүлээх оонньуулар уоттарын өрө тутан аҕалыы мустубут бары дьохсоҕоннорго ураты истиҥ, сылаас өйдөбүлү бэлэхтээтэ. Кэрэни кэрэхсээн мустубут ыалдьыттары нэһилиэк баһылыга Петр Захаров истиҥник эҕэрдэлээтэ.



«Спортивнай оонньуулар уоттарын улуус, өрөспүүбүлүкэ киэн туттар спортсменнара, оскуолаҕа физкультура учууталынан үлэлээбит Иван Потапов, билигин учууталлыыр Иннокентий Баснаев, Егор Малышев уонна спортка чаҕылхай ситиһиилэрдээх үөрэнээччилэр:  Катя Бабанова, Андрей Заворотнай, Валерия Константинова, Аман Бысыин «Азия оҕолоро» уотун ыаллыы Чөркөөх нэһилиэгэр арыаллаан илтилэр. Өксөкүлээх Өлөксөй аатынан орто оскуола тохсус кылааһыгар үөрэнэр Аман Бысыин факелы тутар үрдүк чиэскэ тигистэ. Онтон дьон-сэргэ кэпсээҥҥэ киирбит кэрэхсэбиллээх уоту уу харахтарынан көрөн улаханнык астыннылар
. Бэлиэ күҥҥэ мустубут нэһилиэк олохтоохторо өйдүү-саныы сылдьарга анаан хаартыскаҕа түстүлэр», — диэн иһитиннэрдэ «Алампа» сынньалаҥ киинин уус-уран салайааччыта Анна Константинова. Бу күн өргө диэри эҕэрдэ  этиилэр этиллибиттэр, ырыа-тойук дьиэрэйбит.

Следите за самым важным и интересным в Telegram-канале и WhatsApp-группе ЯСИА