«Азия оҕолоро» VIII норуоттар ардыларынааҕы спортивнай оонньуулар уотун эстафеталарын факелын уонна экипировканы көрдөрүү Дьокуускайга кулун тутар 12 күнүгэр Ю.А. Гагарин аатынан култуура уонна аныгы искусство киинигэр пресс-конференция кэмигэр буолуоҕа.
Ол туһунан регион салалтатын пресс-сулууспата иһитиннэрдэ. Уоту оонньуулар буолаллара 100 хонук хаалбытын кэннэ Өлүөнэ очуостарыгар уматыахтара.
Эстафета кулун тутар 20 күнүгэр Покровскайга саҕаланыаҕа уонна бэс ыйын 26 күнүгэр Дьокуускайга түмүктэниэҕэ. Өрөспүүбүлүкэ 36 оройуонун барытын хабыаҕа. Факелы тириэрдиигэ 550 киһи кыттыаҕа, айан уһуна 37 тыһ км. Барыта 80 факел баар.
Эстафета устатын тухары бэлиэ, история, култуура уонна кэрэ сирдэргэ анал бырайыактар үлэлиэхтэрэ.
