«Азия оҕолоро» спортивнай оонньуулар волонтёрдара бэйэлэрин уратыларын көрдөрөр эскиз оҥоруутун куонкурсугар кыттыахтарын сөп. Ол туһунан тустаах кэмитиэт пресс-сулууспата эттэ.
Куонкуруска аан дойду ханнык баҕарар миэстэтиттэн волонтёрунан үлэлээбит уопуттаахтар кыттыахтарын сөп. Үс түһүмэҕинэн ыытыллар: муус устар 13 — ыам ыйын 10 күннэрэ – сайаапка биэриитэ. Ый устата press@cagic.org аадырыска эскиһы ыыталлар. Иккис түһүмэх – талыы. Дьүүллүүр сүбэ биэс бастыҥ үлэни талыаҕа, кэмитиэт сайтыгар тахсыаҕа. Үһүс — куоластааһын.
Түмүк 2023 сыл бэс ыйын 1 күнүгэр тахсар. Кыайыылаах 2024 сыллааҕы «Азия оҕолоро» VIII норуоттар ардыларынааҕы спортивнай оонньууларга икки киһиэхэ ыҥырыы тутар, айаннарын, олорууларын, астарыгар оскуоттарын ыҥырар өрүт уйунар.
This post was published on 14.04.2023 12:01 12:01