Норуоттар икки ардыларынааҕы «Азия оҕолоро» VI-с спортивнай Оонньууга художественнай гимнастикаҕа Сибиир федеральнай уокуругуттан кэлбит хамаанда кыайыылааҕынан таҕыста. «Кыайыы 50 сыла» спорт комплексыгар от ыйын 8 күнүгэр кыайыылаахтары эҕэрдэлээтилэр.
Сибиир уокуругуттан кэлибт Анастасия Шибаева уонна Анфиса Зайцева Оонньууга чөмпүйүөннээтилэр. Үс күннээх күрэстэһиилээх киирсиилэргэ Омскай хамаандата тэҥнээҕин булбата. Оттон инники күөҥҥэ испит Казахстан хамаандата Сибиир кыргыттарыгар хоттордо.
Финал кэмигэр тыҥааһыннаах киирсиигэ ким эрэ булаватын түһэрдэ, ким эрэ мээчигин куоттарда, оттон ити – улахан алҕас. Жюри Омскай, Астана, Дьокуускай, Челябинскай Соҕуруу Корея спротсменнарын биһирээтэ.
Саха сиригэр үһүс миэстэни 1-кы №-дээх хамаанда аҕалла. Оонньуу ыытыллыбыта 20 сыл устатыгар быйыл бөлөҕүнэн кыттыыны саҥа киллэрдилэр.
Биирдиилээн бырагыраамаҕа Анастасия Шибаева уонна Анфиса Зайцева кыайыы көтөллөнүлэр. Соҕуруу Коряттан кыттыбыт Сео Го Ын боруонса мэтээли кэттэ. Анастасия Шибаева уопсайа үс кыһыл көмүс мэтээллэннэ уонна биир үрүҥ көмүс.
This post was published on 09.07.2016 11:34 11:34