18 От ыйа 18.07
  • 20°
  • $ 88,09
  • 96,3

«Азия оҕолоро»: Самбистары, ытааччылары уонна баскетболистары наҕараадалаатылар

13:42, 11 июля 2016
Читайте нас на
Яндекс Новости
ЯДВ

Дьокуускайга Хомсомуол буолуоссатыгар «Азия оҕолоро» VI-с спортивнай оонньуу кыайыылаахтарын, бириистээх миэстэлэргэ тиксибиттэри наҕараадалаатылар.


Бүгүн Саха сирэ биэс мэтээли аҕалла. Туох-ханнык иннинэ баскетболга кыргыттар аҕалбыт кыһыл көмүс мэтээллэрэ үөрүүнү аҕалла. Спорт хас биирдии көрүҥэр бастыҥнар, чаҕылхайдык кыттыбыттар элбэхтэр. Ити туһунан өрөспүүбүлүкэҕэ спорт миниистирин солбуйааччы Георгий Балакшин эттэ.

«Триумфка» уолаттар ортолоругар самбоҕа бастакы күн 42, 55, 66 кг диэри, кыргыттар 38, 52, 60 кг диэри ыйааһыҥҥа кииристилэр. 42 кг диэри ыйааһыҥҥа Абдурасул Мамадкулов (ДФО) кыайыылаах буолла. Иккискэ — Нургазы Жанбосунов (Кыргызстан), оттон үһүс — Дидар Овезмаммедов (Туркменистан) уонна Йолка Казырбек (Монголия).

55 кг диэри ыйааһыҥҥа кыһыл көмүс мэтээли Уһук Илин федеральнай уокуругун бэрэстэбиитэлэ Игорь Рашупкин ылла, иккис миэстэ — Вячеслав Коношчук (Саха сирэ), «боруонса» — Нурбек Куанышулы (Казахстан) уонна Арзувеглды Хоммадов (Туркменистан).

66 кг диэри ыйааһыҥҥа Александр Иванов (ДФУо), Мухаммедалы Мухадов (Туркменистан) иккис миэстэ, Антон Калачиков (ДФО) уонна Григорий Подкорытов (УФУо) үһүс буоллулар.

38 к диэри ыйааһыннаах кыргыттарга Регина Миллер (СФУо) кыайда, иккис — Татьяна Бараболя (ДФУо), Сара Кулым (Казахстан) уонна Татьяна Мигалкина (Саха сирэ) үһүс миэстэни үллэһиннилэр.

Монголия спортсмена Энкх-Отгон Лосол 52 кг диэри ыйааһыҥҥа күрэхтэһии кыайыылааҕа. Иккис миэстэни Екатерина Цыберт, үсүһү Дарья Ермакова (СФУо) уонна Акмарал Серик (Казахстан) ыллылар.

60 кг диэри ыйааһыҥҥа «кыһыл көмүс» мэтээли Монгол спортсмена Сарыыл Отгонбайар ылла. «Үрүҥ көмүс» Анастасия Шитковаҕа (Саха сирэ) тигистэ, «боруонса» — Анастасия Ходоско (СФУо) уонна Анне Порубенко (ДФО).

Буулдьанан ытыыга Яна Енина (СФУо) кыайда, Ирина Локионова (Казахстан) — иккис, «боруонса» – Нюргустаана Борохина.

Уолаттарга кыайыылаах үрдүк аатын Эльдар Иманкулов (Казахстан) ылла. Иккис миэстэни Арсен Гурьев (Саха сирэ), оттон боруонсаны Ай-Кадек Рико Вержиан Дината (Индонезия) ылла.

Кыргыттар баскетболларыгар Саха сирин спортсменнара кыһыл көмүс мэтээли ситиһэн үөрүү үрдээтэ. Иккис —ДФО, үһүс – Сибиир федеральнай уокуруга.

«Бэйэбит бырагыраамабытын кыранан толорботубут. Саха сирэ – күүстээх утарсааччы. «Боруонса» — бу эмиэ мэтээл. Маннык үрдүк таһымнаах күрэхтэһиигэ улахан ситиһии. Барытын наһаа сөбүлээтибит, дойдубутугар төннүөхпүтүн да баҕарбат курдук буоллубут. Экскурсияларга сылдьыахпыт, атын күрэхтэһиилэри көрүөхпүт», — диэн СИА-ҕа Сибиир хамаандатын тренерэ Елена Максимова эттэ.

Следите за самым важным и интересным в Telegram-канале и WhatsApp-группе ЯСИА