16 От ыйа 16.07
  • 23°
  • $ 87,81
  • 95,78

«Азия оҕолоро»: Саха сирин баскетболисткалара Уһук илиннэри кыайдылар

16:55, 08 июля 2016
Читайте нас на
Яндекс Новости
ЯДВ

Баскетболга күрэхтэһии «Стерх» спорткомплекска салҕанар. Бастакы күн Уһук илиннэр ураллары кыайбыттара. Онтон иккис күҥҥэ Саха сирин баскетболисткаларыгар хоттордулар.


Саха сирин хамаандата маҥнай түөрт очкону кэбэҕэстик хомуйа тардан ылбыта. Онуоха Уһук Илин спортсменкалара ыраатыннара барбакка, тута кэриэтэ ситэ баттааннар, ыксалы үөскэтэ сылдьыбыттара. Тыҥааһыннаах киирсии кэнниттэн, Саха сирин хамаандата төлө көтөн тахсан, кыайыыны ылбыта.

СӨ хамаандатыгар сүүмэрдээһин кэнники Москваҕа буолбут. Онуоха диэри хамаанда кэлэ-бара араас күрэхтэһиилэргэ кыттыбыт. Үөрэнээччилэр Олимпиадаларыгар үһүс миэстэни ылбыттар.

«Сылы быһа эрчилиннибит. Уһук илиннэри кытта хаста да оонньообуппут, онон күрэхтэһии тыҥааһыннаах буолара сэрэйиллэр этэ. Үс иһигэр киирбит киһи диэн баҕалаахпыт», — диир Саха сиригэр кыргыттарга баскетболга хамаандатын ыстаарсай тренерэ Екатерина Сперанская.

Бүгүн эмиэ күрэхтэһии. Туох түмүктэнэрин тымтыктанан көрбүт суох.

Следите за самым важным и интересным в Telegram-канале и WhatsApp-группе ЯСИА