Саха сириттэн 120 спортсмен «Азия оҕолоро» VII норуоттар ардыларынааҕы спортивнай оонньууларга кыттыаҕа. Саамай элбэх киһилээх хамаанда – көҥүл тустууга уонна греко-римскай тустууга сүүмэрдэннэ.
Өрөспүүбүлүкэ премьера Андрей Тарасенко «Азия оҕолоро» дирекуциятын кытта Владивостокка көрүстэ.
«Быйыл «Азия оҕолоро» аан бастаан Приморскай кыраайга ыытыллар. Дирекцияны кытта бэлэмнэнии хаамыытын кэпсэттибит. Оонньуулар от ыйын 27 күнүгэр Владивостокка саҕаланыахтара. Саха сирин сүүмэрдэммит хамаандата 120 спортсменнаах уонна 50 тренердаах кыттар. Биһигиттэн саамай элбэх киһилээх хамаандалар тустууга, чэпчэки атлетикаҕа харбааһыҥҥа уонна мини-футболга бааллар», – диэтэ Андрей Тарасенко мунньах кэнниттэн.
Кини Приморскай кыраай оонньуулары үрдүк тэрээһиннээх ыытарыгар эрэллээҕин биллэрдэ.
Көрсүһүүгэ Дирекция салайааччыта Эльмир Валитов уонна кини солбуйааччыта Михаил Сивцев бааллар.
