18 От ыйа 18.07
  • 17°
  • $ 88,09
  • 96,3

"Азия оҕолоро": Оонньууларга Саха сирин хамаандата бастакы кыайыытын мини-футболга ылла

16:01, 26 июня
Текст:
Хаартыска: ЯСИА саайта
Читайте нас на
Яндекс Новости
ЯДВ

Бүгүн, бэс ыйын 26 күнүгэр, «50 лет Победы» спорт дыбарыаһыгар мини-футболга матч саҕаланна. Саха сирин хамаандата Кыргызстан утары таҕыста уонна 9:3 ахсаанынан инникилээтэ, суруйар ЯСИА.

Өрөспүүбүлүкэ хамаандатын тренера Олег Марков эппитинэн, соперниктар күүстээхтэр, саха спортсменнара долгуйаллар. «Соперниктары барыларын убаастыыр наада, оҕолор ыраахтан кэлбиттэр. Биһиги бэлэмнэммиппит, ити эрээри долгуйуу баар. Бастакы оонньуу куруук ыарахан буолар. Кылаабынайа, кыайдыбыт, түмүк баар, салгыы көрөн иһиэхпит. Бастакы матчтан соччото суох түгэн эмиэ баар, биир оонньооччу мөлтөөн биэрдэ, салгыы оонньуур дуу, суох дуу, билбэппит. Оонньуохха наада, кыһалла сатыахпыт», — диэтэ кини.

Мэтээл иһин сэттэ хамаанда киирсэр Палестинаттан, Кыргызстантан, Узбекистантан, Сибирдээҕи, Ураллааҕы, Уһук Илиннээҕи федеральнай уокуруктартан уонна Саха сириттэн.

Бүгүн паркетка тахсаллар: УФО — СФО, Саха сирэ — Кыргызстан, Узбекистан — Палестина.

Бастакы матчка кыайыыны Ураллааҕы федеральнай уокурук 8:3 ахсаанынан ылла. Күрэхтэһии от ыйын 3 күнүгэр диэри салҕанан барыаҕа.

Следите за самым важным и интересным в Telegram-канале и WhatsApp-группе ЯСИА