Дьокуускайга кулун тутар 1 — 3 күннэригэр лоу-кик түһүмэххэ кикбоксиҥҥа Уһук Илиҥҥэ бастыыр иһин күрэхтэһии эдэр спортсменнарга ыытыллыаҕа.
Күрэхтэһии «Азия оҕолоро» спортивнай оонньууларга кыттарга былааннанар хамаандаларга сүүмэрдиир түһүмэх быһыытынан ыытыллыаҕа, суруйар ЯСИА. Манна 15 — 16 уонна 17 — 18 саастаах уолаттар уонна кыргыттар кытталлар. Күрэхтэһии түмүгүнэн, Россияҕа бастыыр иһин күрэхтэһиигэ ким кыттара былааннаныаҕа. Маны сэргэ «Азия оҕолоругар» сүүмэрдээһин ыытыллыаҕа.
17 — 18 саастаахтарга сүүрбэ ыйааһыҥҥа киирсиэхтэрэ, оттон 15 — 16 саастаахтарга — 22 ыйааһын.
Күрэхтэһии ССРС-тан бастакынан аан дойду чемпиона буолбут Александр Иванов сырдык аатыгар ананар.
This post was published on 21.02.2024 10:05 10:05