Дэлэгээссийэ састаабыгар киирдилэр: кэмитиэт бэрэсидьиэнэ Владимир Максимов, вице-бэрэсидьиэннэр Шерзод Асатуллаев уонна Родион Плитухин, генеральнай сэкирэтээр Виссам Тркмани уонна генеральнай сэкирэтээр солбуйааччыта Сардаана Жендринская.
«Бу сыллар тухары бырайыак Азия дойдуларын холбуур уонна эдэр күрэсчиттэргэ улахан ситиһиилэргэ суолу аһар суолталаах успуорт былаһааккатынан буолла. Чугастааҕы кэмҥэ үлэ былаанын ырыттыбыт, ол иһигэр 2027 сыллааҕы III кыһыҥҥы оонньууларга уонна 2028 сыллааҕы IX сайыҥҥы оонньууларга бэлэмнэниини, ону таһынан үөрэтэр уонна эрчийэр бырайыактары ыытыыны. Кинилэр истэригэр – Харбиҥҥа буолуохтаах фигурнай хаҥкыгы бастакы кыттыгас сбордар, онно 20 дойдуттан эдэр күрэсчиттэр кыттыахтара уонна эдэр профессионаллар IV норуоттар икки ардыларынааҕы саммиттара. Оонньуулар выпускниктарын өйөөһүҥҥэ уонна кыттааччылар географияларын кэҥэтиигэ ураты болҕомтону уурдубут. Оонньуулар араас дойдулар оҕолоругар чилиэһинэй киирсиигэ тэҥ усулуобуйаны биэрэр чуолкай сыалы иннилэригэр туруоруналлар», — диэн Айсен Николаев бэйэтин ТГ-ханаалыгар суруйда.
Саха сирин баһылыга үлэ үрдүк таһымҥа салҕанан, «Азия оҕолоро» оонньуулар норуоттар икки ардыларынааҕы успуорт уопсастыбатыгар суолталарын бөҕөргөтөргө көмөлөһүө диэн эрэлин биллэрдэ.