13 Бэс ыйа 13.06
  • 18°
  • $ 89,02
  • 95,74

"Азия оҕолоро" оонньуулар өрөгөйдөөх арыллыыларын үс тылынан саҥаран көрдөрүөхтэрэ

Хаартыска: ЯСИА саайта
Читайте нас на
Яндекс Новости
ЯДВ

П.А. Ойуунускай аатынан Саха тыйаатырыгар «Азия оҕолоро» VIII оонньуулар өрөгөйдөөх арыллыыларын театрализованнай көрдөрүүтүн бэлэмнэниитэ салҕанан барар. Сүрүн тиэмэнэн «Путешествие в Арктическую вселенную» буолуоҕа.

Көрдөрүүгэ айар кэлэктииптэр артыыстара кыттыахтара өрөспүүбүлүкэ 24 улууһуттан. Үс тылынан саҥарыахтара: нууччалыы, сахалыы уонна эбэҥкилии. «Биһиги Россия Арктикатын көрдөрөбүт, Россия элбэх омуктаах норуота олорор сирин-уотун, олоҕун-дьаһаҕын, култууратын, үгэстэрин. Сэттэ оҕо оонньуоҕа. Кинилэр ортолоругар нуучча, саха, татаар уонна эбэҥки омук оҕолоро бааллар. Кинилэр Арктика эргимтэтинэн айанныахтара», — диэтэ режиссер-постановщик Руслан Тараховскай.

Руслан Тараховскай бэлиэтээбитинэн, оонньуулар арыллыыларын сценарийа саха норуотун үһүйээнигэр олоҕурар. Тымныы оҕуһа уонна сылгы киирсэллэр, дьыл ханнык кэмэ уһунун быһаарсаллар — кыһын эбэтэр сайын.

Арктика кэрэ тыыннаах айылҕата көрдөрүллүөҕэ. «Сценарийынан биһиги, чуолаан, Арктика тымныыта айылҕаҕа баланс биэрэрин көрдөрөбүт. Биһиги сахалар Байкалтан Лаптевтар муораларыгар диэри планета тымныытын харыстаан олоробут», — диэтэ режиссер-постановщик.

Сэттэ эдэр артыыһы Дьокуускай куорат 20 кэлэктиибиттэн талан ыллылар. Саамай кыралара — 11 саастаах.

Следите за самым важным и интересным в Telegram-канале и WhatsApp-группе ЯСИА