«Азия оҕолоро» норуоттар икки ардыларынааҕы VI-с спортивнай оонньуу уота Үөһээ Дьааҥы улууһугар кулун тутар 29 күнүгэр тиийиэҕэ. Оонньуу саҕаланыа 100 хонук иннинэ старт биллэриллэр.
Киһилээх хайатын анныттан оонньуу уотун эстафетата саҕаланар. Олимпиада чемпиона Павел Пинигин, Олимпиада боруонса призера Георгий Балакшин, Параолимпийскай оонньууларга үрүҥ көмүс мэтээли ылбыт Владимир Балынец, көҥүл тустууга ыччат ортотугар ыытыллыбыт Европаҕа бастыыр иһин күрэхтэһиилэр призердара, Үөһээ Дьааҥы улууһуттан төрүттээх Егор Слепцов ити тэрээһиҥҥэ кыттыахтара.
«Бэнидиэнньиккэ ыалдьыттар, федеральнай ханааллар устар бөлөхтөрө кэлиэхтэрэ, барыта былааннааммыт хоту баран иһэр», — диэн СИА-ҕа оонньуу дириэксийэтин салайааччыта Владимир Максимов эттэ.
Уоту биэрии эстафетатын тэрээһинигэр 450 тыһ. тахса киһи кыттыаҕа, факелы 1740 сүүрүк күөрэччи тутан сүүрүөҕэ. Оонньуу уотун эстафетата 194 нэһилиэнньэлээх пууну хабыаҕа.
This post was published on 28.03.2016 12:03 12:03