Кемерово куоракка «Азия оҕолоро» норуоттар икки ардыларынааҕы кэмитиэт салайааччыта Владимир Максимов уонна Российскай Федерацияҕа Таиланд Королевствотын боломуочуйалаах посола Сасиват Вонгсинсават көрүстүлэр. Өрүттэр тайскай боксаҕа Россия чемпионатыгар дьаһалга кытталлар, суруйар «Спорт Якутии».
«Мин дойдубар муай-тай – бу охсуһуу эрэ буолбатах, улахан философия. Бу көрүҥ Россияҕа сэҥээриини ылан эрэрэ үөрдэр», — диэтэ Сасиват Вонгсинсават.
Владимир Максимов «Азия оҕолоро» оонньуу историятын кэпсээтэ. Кини бэлиэтээбитинэн, Оонньуулар сүрүн сыаллара — Олимпийскай хамсааһыны пропагандалааһын, оҕо спордун сайыннарыы, норуоттар икки ардыларынааҕы спортивнай сыһыаны бөҕөргөтүү.
Өрүттэр спорт эйгэтигэр бииргэ үлэлиир туһунан кэпсэттилэр.
