Сэрэбиэй бырахсыытын кэннэ, Саха сирин хоккейга хамаандата «А» бөлөххө киирдэ. II Кыһыҥҥы норуоттар ардыларынааҕы «Азия оҕолоро» оонньуулар быйыл Кузбасска буолар. Саха сирин хамаандатын утары Уһук Илиҥҥи федеральнай уокурук, Кузбасс уонна Казахстан хамаандалара тахсаллар, суруйар СИА.
Матчтар олунньу 24 күнүгэр стартыыллар. Кыттааччылар икки дивизиоҥҥа араҕыстылар: хоккей сайдыбыт дойдулара уонна регионнара, итиэннэ ортотук сайдыбыт. Саха сирэ күүстээх хамаандаларга киирдэ уонна лидердары кытта оонньуоҕа.
Бастакы бөлөххө Саха сирэ, Кузбасс, УИФУо уонна Казахстан. Иккис бөлөххө — Ураллааҕы федеральнай уокурук, Беларусь уонна Сибирдээҕи федеральнай уокурук.
Иккис дивизиоҥҥа Кыргызстан, Монголия уонна Узбекистан — бары биир бөлөх.
Саха сирэ спорт бу көрүҥэр 22 спортсмены кытыннарар. Хоккей турнира Новокузнецкайга буолуоҕа.
Хаартыска: Андрей Сорокин, ЯСИА
This post was published on 24.01.2023 10:32 10:32