Саха сирин маастардара «Азия оҕолоро» спортивнай оонньуулар култуурунай тэрээһиннэригэр анаан икки тыһыынчаттан тахса көстүүмү тигиэхтэрэ. Таҥас барыта олохтоох тигэр сыахтарга ураты матырыйаалларынан оҥоһуллуохтара.
Үлэ хаамыытын култуура миниистирэ Афанасий Ноев көрдө. Кини эппитинэн, тыһыынчаттан тахса көстүүм бэлэм.
Барыта 20 араас көстүүм тигиллиэхтээх, ол иһигэр оонньуулар өрөгөйдөөх арыллыыларыгар уонна сабыллыыларыгар аналлаахтар. Сорох таҥастар анал сакааһынан оҥоһуллубуттар. Ол туһунан көстүүмнэргэ кылаабынай худуоһунньук Сардана Федотова эттэ. «Арыллыыта уонна сабыллыыта бэйэ бэйэлэриттэн улаханнык араастаһар. Бастакытыгар Арктика тиэмэтэ, иккиһэ — арыый динамичнай. Хас биирдии идеяҕа барытыгар сөп түбэһэр көстүүм оҥоһуллар. Холобур, хотугу дьүкээбили тириэрдэр сыалтан онно анаан туспа таҥас оҥоһулунна», — диэтэ кини.
This post was published on 05.04.2024 16:22 16:22