Дьокуускайга Хомсомуол болуоссатыгар бэҕэһээ киэһэ «Азия оҕолоро» оонньуулар бастакы кыайыылаахтарыгар уонна призердарыгар мэтээллэри туттартаатылар.
Самбоҕа уһулуччу түмүктэри көрдөрбүт эдэр спортсменнары «Азия оҕолоро» норуоттар ардыларынааҕы кэмитиэт генеральнай дириэктэрэ Гаврил Цыпандин уонна инновация миниистирэ Василий Ефимов эҕэрдэлээтилэр.
Саха сирин хамаандатын бэрэстэбиитэллэрэ Сахаайа Корякина, Дария Шарапова уонна Анастасия Шевченко боруонса мэтээллэри, Иван Лапушкин үрүҥ көмүс мэтээли иилиннилэр.
Бастыҥ тхэквондистарга наҕараадалары «Азия оҕолоро» V оонньуулар чемпионката, 2016 сыллаахха Рио-де-Жанейротааҕы Олимпиада кыттыылааҕа Фаннапа Харнсуджин уонна спорт миниистирин солбуйааччыта Гаврил Мохначевскай туттардылар. Спорт бу көрүҥэр өрөспүүбүлүкэ хамаандатыгар Наталья Лазарева боруонса мэтээли аҕалла.
This post was published on 28.06.2024 09:33 09:33