21 Тохсунньу 21.01
  • -48°
  • $ 73,82
  • 83,32

«Азия оҕолоро»: «Чолбон» бассейҥҥа күрэхтэһии күүрээннээҕэ

16:31, 07 июля 2016

Бүгүҥҥүттэн Саха сирэ, Москва, ДФУо, Урал, Гонконг, о.д.а. дойдулар бастыҥ харбыыһыттарын күрэхтэһиилэрэ «Чолбоҥҥо» саҕаланна.


23 хамаанда спортсменнара үс күн устата хамаанданан бастыыр уонна рекорд олохтуур иһин сыралаһыахтара.

«Биһиги атыттары көрөөрү, кинилэр үчүгэй өрүттэригэр үөрэнээри, бэйэбитин көрдөрөөрү кэллибит», — диир Араб Эмиратын спортсмена Юсэф Хасан. Кини тэрээһин үрдүк таһымнааҕыттан үөрэр, волонтердары хайгыыр.

Онтон Саха сирин ааттаах-суоллаах харбыыһыта Лариса Тирон бу Оонньууларга түөрт сыл устата сыал-сорук туруорунан бэлэмнэммитин, онон бириистээх миэстэҕэ хайаан да киирсэр санаалааҕын этэр. Манна сыһыары тутан эттэххэ, Саха сирин харбыыһыттарын хамаандатыгар 27 спортсмен киирбитэ эрэли үөскэтэр.

«Чолбон» бассейн дириэктэрин солбуйааччы Ирина Карчева иһитиннэрэринэн, бастакы түмүктэр бүгүн киэһэ биллиэхтээхтэр.

0
0
21 января 21.01
  • -48°
  • $ 73,82
  • 83,32