27 Тохсунньу 27.01
  • -48°
  • $ 73,82
  • 83,32

«Азия оҕолоро»: Баскетболга күрэхтэһиилэр саҕаланнылар

11:28, 07 июля 2016

От ыйын 6 күнүттэн «Стерх» спорткомплекска Монголия уонна Уһук Илиннээҕи, Ураллааҕы уонна Сибиирдээҕи федеральнай уокуруктар баскетболисткаларын күрэхтэһиилэрэ саҕаланна.


Күрэхтэһиини Уһук илиннэр уонна Урал спортсменкалара саҕалаатылар. Киирсии хара маҥнайгыттан олус сытыы буолла. Бастакы утахха УФУо спортсменкалара баһыйыах курдук гынан иһэн, Уһук илиннэр кыргыттарыгар сабырыйтардылар.

Бастакы күн түмүгүнэн, кыайыыны Уһук Илиннээҕи федеральнай уокурук баскетболисткаларын хамаандата ылла. Ол эрээри, уоскуйарга билигин да эрдэ, күрэхтэһиилэр салҕаналлар.

«Басткетболисткаларбыт тохсуһу бүтэрдилэр, ОГЭ туттардылар. Онон төһө да бириэмэлэрэ кырыымчыгын иһин, «Азия оҕолоругар» турунан бэлэмнэннилэр, биир да эрчиллиини көтүппэтилэр. Түмүк үчүгэй буолар ини диэн эрэнэбин», — диир тренердэрэ Тамара Женжера.

Иккис оонньууга Сибиирдээҕи федеральнай уокурук уонна Монголия хамаандалара күөн көрүстүлэр. Манна даҕатан эттэххэ, монголиялар «Азия оҕолоругар» 1996 сылтан кытталлар. Быйылгы күрэхтэһиигэ 18 көрүҥҥэ киирсэрдии ох курдук оҥостон 196 спортсмен кэлбит. Сүүмэрдэммит хамаанда бэрэстэбиитэллэрэ ордук дзюдоҕа, ытыы көрүҥнэригэр, боксаҕа, спортивнай гимнастикаҕа, тхэквондоҕа, тустууга балачча ситиһиилэнэр инибит диэн эрэнэллэр. Ылан көрдөххө, баскетболга да хамаандалара күүстээхтэр. Билигин, аны, уолаттар тирии мээчиги күөрэтиэхтэрэ турдаҕа.

0
0
27 января 27.01
  • -48°
  • $ 73,82
  • 83,32