AYANA диэн нуучча-эбэҥки электроннай тылбаасчыта Сколковоҕа ыытыллыбыт интернеты салайыы ыччат бастакы форумугар «Арассыыйа ыччат бастыҥ IT-стартап» номинацияҕа иккис миэстэни ылла.
Төлөпүөн сыһыарыытын айбыт Николай Апросимов форумҥа Арассыыйа араас эрэгийиэннэриттэн 100-чэ IT-исписэлиистэрэ кыттыыны ылбыттарын иһитиннэрдэ.
«Билигин төрөөбүт тылы харыстааһын кыһалҕата аан дойдуга сытыытык турар. Мин оҥоһугум алгоритма эбэҥки эрэ тылын буолбакка атын да аҕыйах ахсааннаах омуктар тылларын цифровизациялыыр, ол эбэтэр харыстыыр кыахтааҕа дьүүллүүр сүбэ болҕомтотун тарта быһылаах», — диир Николай.
AYANA сыһыарыыны App Store уонна Play Market нөҥүө хачайдаан, туһаныахха сөп. Николай бырайыагын олоххо киллэрэригэр Аартыка министиэристибэтэ, «Арктик Капитал» хампаанньа, Эдьигээн улууһун «Алагун» уопсастыбаннай тэрээһинэ көмөлөспүттэр.
This post was published on 09.04.2021 17:01 17:01