«Пуорум бу нэдиэлэҕэ буолар. Улахан тэрээһиҥҥэ анаан AY YOLA биллэр башкирскай фолк-бөлөх кэллэ. Аныгы этномузыка чаҕылхай куолаһа», — диэтэ Саха сирин баһылыга.
Музыканнар бэйэлэрин тустарынан, айар суолларын уонна былааннарын кэпсээтилэр.
Пуорум кэмигэр Дьокуускайга AY YOLA Комсомольскай болуоссакка ыам ыйын 29 күнүгэр 20.30 чааска кэнсиэртиэҕэ. Маны сэргэ кэлэктиип дискуссияларга кыттыаҕа уонна национальнай култуураны аныгы киэбинэн тарҕатыыга уопутун кэпсиэҕэ.
AY YOLA саҥа клибын устуу Саха сиригэр буолара этилиннэ.
