27 Тохсунньу 27.01
  • -48°
  • $ 73,82
  • 83,32

Авиапорт балаһатыгар хаар уута тахсан, сөмөлүөт Орто Халымаҕа көппөтө

16:00, 24 апреля 2017
Текст:

Халыма улуустарыгар халлаан лаппа сылыйбыта биллэн эрэр. Орто Халыма авиапордун балаһатыгар хаар уута халыйан, бүгүн сарсыарда 7 ч. 40 мүн. көтүөхтээх сөмөлүөт (217-с рейс) көппөтө.


Орто Халыма авиапордун дириэктэрэ Валентин Бубякин суотабай төлөпүөнүгэр эрийэн ыйыппыппытыгар, «Халлаан эмискэ сылыйан, хаар ууллан, уу балаһаҕа халыйан, сөмөлүөт түһэр кыаҕа суох балаһыанньата үөскээтэ. Билигин хаары ыраастыы, халыйбыт ууну оборторо сылдьабыт. Үс-түөрт күнүнэн биирдэ куурара буолуо. Онуоха диэри авиапорт сабыллар», – диэн эппиэттээтэ.

«Полярные авиалинии» эрийэ сылдьыбыппытыгар, «Аэропорты Севера» тэрилтэ салалтата үөскээбит балаһыанньаны быһаарарга мунньахтыы олорор диэн эттилэр. Официальнай иһитиннэрии эбиэт диэки биллиэҕэ диэтилэр.

edersaas.ru

0
0
27 января 27.01
  • -48°
  • $ 73,82
  • 83,32