Атырдьах ыйын 22 күнүгэр Арасссыыйаҕа Судаарыстыбаннай былаах күнэ бэлиэтэнэр. Култуура үлэһиттэрэ, бибилэтиэкэлэр уонна ыччат министиэристибэтэ кэккэ тэрээһиннэри бэлэмнээтилэр.
«Якутия 24» ханаалыгар киэһэ 20:15 ч. «Счастья тебе, Земля моя» теле-кэнсиэр көстүө.
М.К. Аммосов аатынан мусуой дьиэтэ «аһаҕас аан» күнүн биллэриэ. Инстаграм сирэйигэр виртуальнай лиэксийэ ыытыа. «Аһаҕас ааннар» Өлөөн нэһилиэгин хоту норуоттарын мусуойугар тэриллиэ уонна Ытык Күөллээҕи «Таатта» заповедник-мусуойугар.
Национальнай уруһуй мусуойугар уонна хомус киинигэр быыстапкалар тэриллиэхтэрэ.
Ярославскай аатынан мусуой инстаграм сирэйигэр виртуальнай лиэксийэ ыытыа, национальный бибилэтиэкэ оҕолорго анаан виртуальнай викторина ыытыа.
Дьокуускай уулуссаларынан автопробег тэриллиэ, Дьокуускай болуоссаттарыгар барбыт «Триколор» аахсыйа дьону сомоҕолуо. Бырааһынньык күн киэһэ Дьокуускай телебашнята судаарыстыбаннай былаах өҥнөрүнэн умайыа.
This post was published on 21.08.2020 16:11 16:11