От ыйын 9 күнүгэр Үс Хатыҥҥа «Дьөhөгөй» ипподромҥа ат спордун федерациятын бирииһигэр күрэхтэһии буолар.
«2004 сылтан ыла ыытыллар, үтүө үгэскэ кубулуйбут сүүрдүүнү дьон-сэргэ олус биһириир. Манна ыраас хааннаах, сүүрүк аттар кытталлар. Тэрийээччилэр – ат спордун федерацията уонна Дьокуускай куорат дьаһалтата», — диэн СИА-ҕа ат спордун федерациятын толорооччу дириэктэрэ, «Дьөhөгөй» ипподром дириэктэрэ Александр Капитонов эттэ.
Кыттааччыларга уонна көрөөччүлэргэ анаан аһыыр сири, култуурнай бырагырааманы бэлэмнииллэр.
От ыйын 9 күнүгэр күнүс 15.00 чаастан саҕалаан киэһэ 20.00 чааска диэри 155 №-дээх автобустар «Гимеин – Үс- Хатын – Гимеин» хайысханан айанныахтара, биир айан сыаната 37 солк.
This post was published on 05.07.2016 16:03 16:03