29 Кулун тутар 29.03
  • -15°
  • $ 92,26
  • 99,71

Ат сүүрдүүтүн быйылгы сезона АГАТУ ипподромугар сабылынна

Читайте нас на
Яндекс Новости
ЯДВ

АГАТУ ипподромугар ат сүүрдүүтүн быйылгы сезона балаҕан ыйын 25 күнүгэр сабылынна. Тыа хаһаайыстыбатын министиэристибэтин, ОКС уонна «Национальное Достояние» бириистэригэр  24 ыраас хааннаах уонна уһулуччу хааннаах «полукровкалар» сэттэ оройуонтан муһуннулар, СИА үөрэх кыһатын пресс-сулууспатыгар сигэнэн суруйда.

С.М. Аржаков аатынан бириискэ сүүрдүүгэ Верба Амма улууһуттан бастаата, иккискэ, үһүскэ Кылааны Куо уонна Шугар Кид Мэҥэ Хаҥалас улуустарыттан таҕыстылар.

Министиэристибэ бирииһигэр Крит Мэҥэ Хаҥаластан бастаата. Финишка иккиһинэн Майн Кёнинг Чурапчы улууһуттан кэллэ. Үһүскэ — Брокер Барс, Мэҥэ Хаҥалас улууһа. Бу үс ат араас сылларга Саха сирин баһылыгын бирииһигэр кыайыылахтар буолуталаабыттара.

ОКС бирииһигэр Хотууна Чурапчы улууһуттан бастаата, иккис — Динамика, Мэҥэ Хаҥалас улууһа, үһүскэ — Виктория Асс, Үөһээ Бүлүү улууһа.

Тыа хаһаайыстыбатын министиэристибэтин 100 сылыгар анаммыт бириискэ Магрибу, Мэҥэ Хаҥалас улууһа, иккис Байсар Барс, Сунтаар улууһа, үһүс миэстэ Голд Фарт, Таатта улууһа.

«Национальное Достояние» бирииһигэр Голден Асс, Үөһээ Бүлүү улууһа, иккис — Төлөн, Чурапчы улууһа, үһүс — Гоин Ап, Сунтаар улууһа.

Бириис уопсай суумата 4,3 мөл солк.

Хаартыска: АГАТУ пресс-сулууспата.

Следите за самым важным и интересным в Telegram-канале и WhatsApp-группе ЯСИА