Электроннай бэбиэскэлэр 2025 сыллааҕы күһүҥҥү ыҥырыы кэмигэр иһитиннэриигэ туттуллуохтара, биллэриилэр «Госуслуги »тус кабинетыгар кэлиэхтэрэ. Бу туһунан РФ ВС генеральнай штабын сүрүн тэрийэр-мобилизационнай управлениетын начаалынньыгын солбуйааччы, вице-адмирал Владимир Цимлянскай иһитиннэрдэ.
«Призывниктары иһитиннэрэргэ электроннай бэбиэскэ туттуллуоҕа. Бэбиэскэни ыытыы туһунан уопсастыбаннай реестргэ киллэриллэр. Электроннай бэбиэскэни ыыппытын, быстах хааччахтыыр дьаһаллары туһаныы уонна туоратыы туһунан иһитиннэриилэр гражданиҥҥа судаарыстыбаннай уонна муниципальнай өҥөлөр порталларыгар тус кабинетыгар ыытыллар. Ол эрээри бэчээттэммит бэбиэскэлэрбититтэн аккаастаммаппыт, кинилэр билигин да юридическай суолталаахтар», — диэн Цимлянскай ТАСС-ка этэр.
Армияҕа күһүҥҥү ыҥырыы алтынньы 1 күнүттэн ахсынньы 31 күнүгэр диэри былааннаахтык ыытыллыаҕа, бу анал байыаннай дьайыы ыытыллыытын кытары сибээһэ суох.
This post was published on 23.09.2025 13:33 13:33