13 От ыйа 13.07
  • 23°
  • $ 87,74
  • 95,76

Арктикаттан 850 туонна хаарбах тимир хомулунна

11:33, 20 декабря 2023
Текст:
Хаартыска: ЯСИА
Читайте нас на
Яндекс Новости
ЯДВ

«Ыраас Арктика» бырайыагынан Саха сирин  Арктика зонатыттан 2021 сылтан 2023 сылга диэри 850 туонна кэриҥэ хаарбах тимир хомулунна, 31 гектар сир ыраастанна. Бу туһунан СӨ Экология, айылҕаны туһаныы уонна ойуур хаһаайыстыбатын министиэристибэтэ иһитиннэрэр, суруйар «Саха сирэ».

Хаарбах тимири хомуйууга барыта 300-н тахса волонтер кытынна. «Ыраас Арктика» бырайыак аан бастаан атырдьах ыйын 25 күнүгэр 2021 с. саҕаламмыта. Бу күн Булуҥ улууһун Тиксии бөһүөлэгэр ыраастааһын субуотунньуга ыытыллыбыта. Аахсыйа чэрчитинэн, 50 киһилээх олохтоох нэһилиэнньэ уонна Арассыыйа Оборуонатын федеральнай бырайыагын волонтердарын күүһүнэн 300 туонна хаарбах тимир хомуллубута уонна таһыллыбыта, 8 гектар сир ыраастаммыта.

2022 с. бу бырайыак чэрчитинэн Булуҥ уонна Усуйаана оройуоннарыгар үс аахсыйа ыытыллыбыта. Бырайыакка бырамыысыланнай хампаанньалар уонна олохтоохтор кыттыбыттара. 2022 с. балаҕан ыйын 11-30 күннэригэр Усуйаана оройуонугар корпоративнай волонтердааһын чэрчитинэн «Янолово» АУо үлэһиттэрэ Сайылык сэлиэнньэтин олохтоохторун кытары бииргэ 5 гектардаах сири ыраастаабыттара, 200 туонна хаарбах тимири хомуйбуттара.

2023 с. «Ыраас Арктика» бырайыагынан үс аахсыйа ыытылынна. Ол курдук бэс ыйыгар Эдьигээн сэлиэнньэтигэр нэһилиэк олохтоохторун, ыччатын, араас тэрилтэлэр үлэһиттэрин, оройуон, бөһүөлэк дьаһалталарын, Арктика министиэристибэтин үлэһиттэрин уонна федеральнай волонтердар күүстэринэн 27 туонна хаарбах тимир, охтубут мас-от, пластик хомулулбута, 1,5 гектар сир ыраастаммыта. Хомуллубут бөх-сах полигоҥҥа таһыллыбыта. Итинник субуотунньуктар атырдьах ыйыгар Булуҥ улууһун Тиксии бөһүөлэгэр уонна Анаабыр улууһун Сааскылаах сэлиэнньэтигэр ыытыллыбыттара.

2024 с. былааҥҥа уонна сорукка, бастатан туран, хомуллан мунньуллубут хаарбах тимири тиэйэн таһыы буолуо. Уустук тырааныспар схематын, массыына суола-ииһэ суоҕун, навигация уонна кыһыҥҥы суолунан таһыы кэмэ кылгаһын учуоттааһын – бу уустук усулуобуйаҕа толоруллар олус ыарахан сорук буолар.

Следите за самым важным и интересным в Telegram-канале и WhatsApp-группе ЯСИА
Тутаах тыллар