Орто идэтийбит үөрэх кыһалара бэйэлэрин устудьуоннарын Арктика дойдуларыгар үөрэххэ ыытар кыахтаныахтара, диэн СӨ үөрэхтээһиҥҥэ уонна наукаҕа миниистирин солбуйааччы Михаил Присяжнай иһитиннэрдэ.
Арктика университетын бырабылыанньатын чилиэннэрин кытта пресс-конференцияҕа тустаах министиэристибэни кытта түһэрсиллибит дуогабарга олоҕуран, устудьуоннар үөрэнэ баралларыгар саҥа бырагыраама оҥоһуллуоҕа диэн этилиннэ. Үрдүк үөрэх кыһаларын сэргэ бырайыакка орто идэтийбит үөрэх бэрэстэбиитэллэрэ кыттар кыахтаныахтара.
“Бу дуогабар биһиэхэ научнай чинчийиилэри өйүүр кыаҕы биэриэҕэ. Саҥа соруктартан биирдэстэринэн үөрэххэ ыытыы үрдүк үөрэх кыһаларыгар эрэ буолбакка, колледжтар устудьуоннарыгар эмиэ сыһыаннаах”, — диэн бэлиэтээтэ Михаил Присяжнай.
Кини этэринэн, Арктика университетын колледжтара-чилиэннэрэ тас дойдулары, ол иһигэр WordSkills чэрчитинэн маннык бырагыраамалар наадаларын эттилэр. Бүгүн Арктикаҕа саамай наадалаах идэлэринэн сиэстэрэ дьыалатын эйгэтэ, биисинэс уона бырамыысыланнас буолаллар. Маны сэргэ Арктика университетын вице-бэрэсидьиэнэ Шейла Даунер хоту дойдуга үөрэхтэрин кэннэ эргиллэн кэлэн үлэлиир лидердэр наадаларын бэлиэтээтэ.
Санаайа Иванова,
Андрей Сорокин түһэриитэ
