24 Ыам ыйа 24.05
  • -7°
  • $ 104,68
  • 115,6

Арктика улуустарыгар сыл бүтүөр диэри эбии 100 туонна кэриҥэ бородууктаны тиэрдиэхтэрэ

Саха сирин арктическай улуустарыгар сыл бүтүөр диэри 100- чэкэ тонна аһы- үөлү тиэрдиэхтэрэ, ону сэргэ саҥа дьылга эбии фруктаны тиэрдээһин күүтүллэр. Бу туһунан «Саха» НВК «Тэтим» радио быһаччы биэриитигэр Саха сирин бырабыыталыстыбатын бэрэссэдээтэлэ Андрей Тарасенко иһитиннэрдэ, диэн СИА кэпсиир.

Саха сирин премьер-миниистирэ Андрей Тарасенко бүгүн региоҥҥа хотугу улуустарга таһаҕаһы тиэрдээһин тактиката уларыйан эрэрин эттэ: урут 5 тыһ. туонна ас- үөл аҕалыллар эбит буоллаҕына, билигин хайыы- үйэ 8,5 тыһыынча туоннаны тиэйбиттэр.

«Биһиги тиэллэр таһаҕас ыйааһынын улаатыннардыбыт уонна тиэйэ сылдьабыт. Сыл бүтүөр диэри өссө ханна эрэ 100 туоннаны тиэйиэхтээхпит, тоҕо диэтэххэ графикпыт оннук,  ас-үөл испииһэгэ уларыйа турар. Билигин туроктары кытта дуогабар баар — Сахабыт сирин дьонушар  саамай бастыҥ цитрустаах фрукталары мандариннары таллыбыт.  Мандариннардаах бастакы массыына оптуорунньукка кэлиэхтээх уонна ону биһиги тута Арктика улуустарыгар ыытабыт. Дьоҕус авиация өҥөтүнэн туһаныахпыт, «Арктикаҕа оҕолоро сибиэһэй мандариннары сииллэрин туһугар, баар буолалларын туһугар», — диэн Тарасенко иһитиннэрдэ.

Следите за самым важным и интересным в Telegram-канале и WhatsApp-группе ЯСИА
0
0
Тутаах тыллар