Арктика улуустарын оҕолорун интеллектуальнай уонна айар, эти-хааны эрчийиинэн итиэннэ успуордунан, билиминэн (научнай-чинчийэр), инженернэй-тэхиньиичэскэй, саҥаны айан таһаарыыга, дьоҕурдарын, интэриэстэрин көҕүлүүр, өйүүр инниттэн, өрөспүүбүлүкэ официальнай тэрээһиннэригэр айаннарын төлөбүрүн уйунар туһунан Бырабыыталыстыба уурааҕа бигэргэммит. Бу туһунан Бырабыыталыстыба бэрэссэдээтэлэ Кирилл Бычков телеграмҥа ханаалыгар суруйар.
“Биһиги хас биирдии оҕо бэйэтин кыаҕын арыйар усулуобуйаны тэрийэргэ дьулуһабыт. Оҕолорбут билиилэрин-көрүүлэрин кэҥэтэр, сатабылларын үрдэтэр, ону тэҥэ, билимҥэ, айар эйгэҕэ уонна успуорка бэйэлэрин ситиһиилэрин үллэстэр кыахтаныахтара. Бу кинилэр тус сайдыыларыгар эрэ буолбакка, өрөспүүбүлүкэҕэ туһалыаҕа, оҕолорбут —Саха сирин кэскиллэрэ”, — диэн бэрэссэдээтэл санаатын үллэстэр.
Людмила Попова, Саха сирэ
