Арктика предпринимателлэрин судаарыстыбаттан өйүүр туһунан сокуону оҥорууга РФ бырабыыталыстыбата хоту дойду төрүт олохтоохторун интэриэстэрин уонна бырааптарын учуоттуох тустаах. Бу туһунан Госдуума омуктар дьыалаларын кэмитиэтигэр этилиннэ.
Саха сирэ «Российскай Федерация Арктикатын зонатыгар предпринимательствоны судаарыстыбаттан өйүүр туһунан» сокуон барылыгар 12 көннөрүүнү киллэрдэ.
Сокуон барылыгар көннөрүүлэри киллэриигэ сытыы боппуруостар дьүүллэһилиннилэр. Госдуума хотугу дойду, Сибиир уонна Уһук Илин төрүт аҕыйах ахсааннаах норуоттарын бырааптарын көмүскээһини соокуонунан хааччыйар хос кэмитиэт бэрэссэдээтэлэ Григорий Ледков эппитинэн, бастакы ааҕыыга ылыныллыбыт сокуон бырайыага норуоттар икки ардыларынааҕы, Россиятааҕы уонна регионнар сокуоннарыгар уонна акталарыгар нуормаларыгар эппиэттэспэт.
Кэпсэтии туһунан сиһилии манна аах https://ysia.ru/yakutiya-vnesla-12-popravok-v-proekt-zakona-o-gospodderzhke-predprinimatelej-v-arktike/
